EURO 2020-ზე დანია-ფინეთის მატჩის დროს ნახევარმცველი კრისტიან ერიქსენი შეუძლოდ გახდა და დაეცა. საფეხბურთო მოედანზე ექიმებმა მას ხელოვნური სუნთქვა ჩაუტარეს.

მედიის ინფორმაციით, ექიმებმა დეფიბრილატორიც გამოიყენეს. ამ ეტაპზე უცნობია, რამ გამოიწვია მომხდარი ან რა მდგომარეობაში იყო ფეხბურთელი დაცემისას.

მედიის გავრცელებული კადრებით ჩანს, რომ მოედნიდან გაყვანისას ერიქსენი გონზე იყო. UEFA-ს განცხადებით, ის კლინიკაში გადაიყვანეს და მისი მდგომარეობა სტაბილურია.