ამერიკის ყოფილი პრეზიდენტისა და პირველი ლედის, ბარაკ და მიშელ ობამების მემუარების გამოცემის უფლება $60 მილიონად გაიყიდა.

როგორც ცნობილია ბარაკი და მიშელი წიგნებს ცალ-ცალკე წერენ, თუმცა მათზე უფლებები ერთად გაყიდა. მემუარების მიმართ ინტერესი უკვე რამდენიმე მსხვილმა გამომცემლობამ გამოხატა, თუმცა საბოლოოდ ის Penguin Random House-მ შეიძინა. თავის დროზე სწორედ ამ გამომცემლობამ იყიდა ბილ კლინტონის მემუარების გამოცემის უფლება.

როგორც ცნობილია, ობამების წიგნის გამოცემის უფლების ფასი, აშშ-ის ყოფილი პრეზიდენტების მემუარების გამოცემის ისტორიაში, რეკორდულია. მაგალითისთვის, ბილ კლინტონის მემუარების საავტორო უფლებები $15 მილიონ, ხოლო ჯორჯ ბუშის $10 მილიონ დოლარად გაიყიდა.