პარტია მოქალაქეების ლიდერმა, ლევან იოსელიანმა ნაციონალური მოძრაობის პარლამენტში შესვლის შემდეგ განაცხადა, რომ დღეს "სამართალმა პური ჭამა". მისი თქმით, ეს ისტორიული დღეა და ჯერ არ აპირებს, რომ უპასუხოს ენმ-ს მხრიდან მათ მიმართ გამოხატულ ლანძღვას და ამის საშუალება სხვა დროსაც ექნებათ.

"ნამდვილად ისტორიულ დღეს მომიწია ტრიბუნასთან დგომა. არ მოველოდი, რომ ჩემი საკითხის განხილვის დროს, როდესაც პირველი მოსმენით გამომაქვს კანონპროექტი, ვიხილავდი ენმ-ს პარლამენტში. პირველ რიგში, მოგილოცავთ პარლამენტშ შემობრძანებას.

მე არ ვაპირებ ახლა, ეს ტრიბუნა გამოვიყენო იმისთვის, რომ პასუხი გავცე ყველა იმ ბრალდებას, იმ ტალახს რაც თქვენ, თქვენმა პარტიამ მე და ალეკოს გვესროლეთ. ამის საშუალება აუციელბლად გვექნება, აუცილებლად ყველაფერზე გაგცემთ პასუხს, უბრალოდ, ვიტყვი ერთ რამეს, რომ სამართალი ნამდვილად ურმით დადის და დღეს ის დღეა, როცა სამართალმა პური ჭამა და თქვენ სხედხართ აქ და მე ვდგავარ ტრიბუნასთან და გესაუბრებით", — განაცხადა იოსელიანმა.