ფოტოზე გამოსახული ულამაზესი ქალაქი ველინგტონია, ახალი ზელანდიის სილიკონის ველი და სამხრეთ ოკეანეთის თვითგამოცხადებული ტექ-დედაქალაქი.

ამ ქალაქში უამრავი კომპანიის სათავო ოფისია და ისინი ახალ დეველოპერებს, პროგრამისტებს, კრეატიულ დირექტორებსა და ტექ სფეროში მომუშავე სხვა კადრებს ეძებენ.

და თუ ისე მოხდა, რომ გასაუბრებაზე დაგიბარეს, მგზავრობისა და ცხოვრების ხარჯებს ველინგტონის მთავრობა დაგიფინანსებთ.

LookSee ახალი პროგრამაა, რომელიც მსოფლიოს ყველა კუთხიდან ნიჭიერი და პროფესიონალი კადრების მოსაზიდად შეიქმნა. შედით საიტზე, გაიარეთ რეგისტრაცია, შეავსეთ თქვენი მონაცემები და დაელოდეთ პოტენციურ დამსაქმებლებს.

თქვენს პროფილს ადგილობრივი კომპანიის წარმომადგენლები ნახავენ და თუ დააინტერესებთ მაშინ ქულებს დაგიწერენ და გასაუბრებაზე დაგიბარებენ. ყველაზე მეტი ხმა და ქულა ვისაც ექნება, ის ადამიანები 8-11 მაისს ახალ ზელანდიაში ჩავლენ, გასაუბრებას გაივლიან, ქალაქს დაათვალიერებენ და დადებითი პასუხის მიღებამდე სახლში დაბრუნდებიან.

ანდროიდის დეველოპერი, .NET დეველოპერი, ციფრული სტრატეგი, ბიზნეს ანალიტიკოსი, კრეატიული დირექტორი - ეს მცირე ჩამონათვალია იმ სპეციალობებისა, რომელსაც ველინგტონელები ეძებენ.

ასე რომ შეავსეთ აპლიკაცია და დაელოდეთ!