საქართველოს პრეზიდენტმა 2017 წლის პირველ მარტს, 157 მსჯავრდებული შეიწყალა, აქედან შეწყალების აქტი შეეხო რვა ქალ მსჯავრდებულს და ერთ არასრულწლოვანს.

შეწყალების საკითხთა კომისიამ 2017 წლის 16 თებერვლიდან 21 თებერვლის ჩათვლით პერიოდში 890 პირის საკითხი განიხილა.

პრეზიდენტის ადმინისტრაციის ცნობით, 93 მსჯავრდებული თავისუფლების აღკვეთის დაწესებულებიდან უკვე გათავისუფლდა, მათგან ექვსი ქალი და ერთი არასრულწლოვანია.

შეწყალების აქტით თავისუფლების აღკვეთის სახით შეფარდებული სასჯელი შეუმცირდა 64 მსჯავრდებულს, მათ შორის ორ ქალს.