datacov.moh.gov.ge — ჯანდაცვის სამინიტრომ ახალი ვებ-გვერდი შექმნა, სადაც კორონავირუსის სტატისტიკური მონაცემები ცალკე გამოქვეყნდება.

სამინისტროს ინფორმაციით, პორტალის საშუალებით მოქალაქეებს შეუძლიათ მიიღონ ინფორმაცია ინფიცირებულთა რაოდენობის, თავისუფალი საწოლების, დადებითობის მაჩვენებლის, კლინიკური სასტუმროების, აქტიური შემთხვევების, ქვეყანაში ჩატარებული ტესტირებებისა და ხელოვნური სუნთქვის აპარატების რაოდენობის შესახებ.

"ასევე შესაძლებელია ნახოთ პაციენტების სტატუსი და შემთხვევები მკურნალობის ფორმის მიხედვით. ასევე, რამდენი ადამიანი გადის მკურნალობას ბინაზე, სამედიცინო დაწესებულებაში და ოჯახის ექიმთან", — აცხადებენ უწყებაში.

მათივე განცხადებით, ჯანდაცვის სამინისტროს ბაზაზე შექმნილი პორტალი ყოველდღიურად განახლებად ინფორმაციას მოიცავს და სტატისტიკური მონაცემები ყოველ 24 საათში განახლდება.