რუსეთის შს მინისტრის მოადგილის, სერგეი რიაბკოვის განცხადებით, აშშ-ის ზოგიერთ კონგრესმენს რუსეთისთვის ეკონომიკური ბლოკადის მოწყობა სურს. მისივე თქმით, კონგრესმენებს ისეთი კანონპროექტის მიღება სურთ, რომელიც დონალდ ტრამპს რუსეთისთვის დაწესებული სანქციების შემსუბუქების საშუალებას არ მისცემს. რუსული სააგენტოს, RIA-ს ცნობით, ამის შესახებ რიაბკოვმა სახელმწიფო დუმაში სიტყვით გამოსვლისას ისაუბრა:

"ჩვენი არა კეთილის მსურველები კონგრესში მთელი ძალით ცდილობენ გაანადგურონ პოზიტივის ნებისმიერი წანაზარდი რუსეთ-ამერიკის ურთიერთობებში. მიმდინარე წლის იანვარში მათ შეიტანეს კანონპროექტი, რომელიც სანქციების კოდიფიკაციას ითვალისწინებს, რათა ტრამპმა, საკუთარი სურვილით, მათი გაუქმება ვერ შეძლოს. ასევე, სურთ გააფართოვონ და გააღრმავონ შეზღუდვები და შანტაჟის გზით მესამე ქვეყნებს აიძულონ იმავეს გაკეთება. ანუ, შინაარსობრივად, მათ რაღაც ეკონომიკური ბლოკადის მსგავსის ორგანიზება სურთ."

მისივე განმარტებით, უწყებაში (რუსეთის შსს) სიტუაციის დრამატიზებას არ ახდენენ, რადგან ესმით, რომ ტრამპს და მის გუნდს პრიორიტეტების დასაზუსტებლად დრო სჭირდება.

"მაგრამ ვაშინგტონიდან მომდინარე ყველა მინიშნებას ყურადღებით ვაანალიზებთ, ვაფიქსირებთ და ვითვალისწინებთ", - განაცხადა მინისტრის მოადგილემ.