ადიგენის მაღალმთიან სოფელ დერცელში ძროხების სილამაზის კონკურსი ჩატარდა. ამის შესახებ ვრცელი რეპორტაჟით ადგილობრივი გამოცემა Sknews.ge ყვება.

საზაფხულო საძოვრებზე გაშვებამდე პატრონები ძროხებს საღებავებით და მოსართავებით ამკობენ, რაც ტრადიციის მიხედვით, მათ ავი თვალისგან დაიცავს. წელს რიტუალს კონკურსიც დაემატა.

სილამაზის კონკურსში ყველაზე დიდი აღფრთოვანება ძროხამ, სახელად "პეპელამ" დაიმსახურა. ჟიურის შეფასების კრიტერიუმი ჰიგიენური მდგომარეობა, ვიზუალი და მორთულობა იყო. გამარჯვებულს საჩუქრები გადაეცა, რაც შეიძლება ვივარაუდოთ, რომ მოქროვილი ზარი, ყვავილების გვირგვინი, რქების აქსესუარი და გემრიელი დესერტი გახლდათ.

ფოტო: Sknews.ge

ფოტო: Sknews.ge

ფოტო: Sknews.ge

ფოტო: Sknews.ge

რეპორტაჟი სრულად ნახეთ სამხრეთ კარიბჭის ონლაინ გამოცემის ვებგვერდზე.