ევროპარლამენტარი, ვიოლა ფონ კრამონის თქმით, ნაციონალური მოძრაობის მიერ 19 აპრილის შეთანხმებისათვის ხელის არმოწერის გადაწყვეტილება ძალიან დასანანია. ის ტვიტერზე, ასევე, წერს, რომ პოლიტიკური პასუხისმგებლობის არიდება და დანარჩენი ოპოზიციის ხარჯზე ფონს გასვლა არაკონსტრუქციული პოლიტიკის ნაწილია.

"ძალიან დასანანია, რომ ენმ-მ ამ დროისთვის, 19 აპრილის შეთანხმებისათვის ხელის არმოწერა გადაწყვიტა. შეთანხმება სასამართლო სისტემის გაუმჯობესებასა და უფრო სამართლიანი პარლამენტის ჩამოყალიბებას უწყობს ხელს. პოლიტიკური პასუხისმგებლობის არიდება და დანარჩენი ოპოზიციის ხარჯზე ფონს გასვლა არაკონსტრუქციული პოლიტიკის ნაწილია", — წერს კრამონი ტვიტერზე.

30 მაისს ნაციონალურმა მოძრაობამ საკანონმდებლო ორგანოში შესვლის გადაწყვეტილება მიიღო. მიუხედავად ამისა, პარტია შარლ მიშელის დოკუმენტს ხელს არ მოაწერს. გადაწყვეტილება პოლიტსაბჭოს შემდეგ გახდა ცნობილი.