ნამახვანჰესის მშენებლობის მოწინააღმდეგეებმა რუსთაველის გამზირი გადაკეტეს. აქციის ორგანიზატორის, ვარლამ გოლეთიანის განცხადებით, დღეს რუსთაველის გამზირზე დარჩებიან და პიკეტირებული ექნებათ, ხვალ კი ახალ ლოკაციაზე გადავლენ.

"ჩვენ ვრჩებით, როგორც გუშინ დავრჩით აქ რესპუბლიკის მოედანზე, რა თქმა უნდა, დღეს ვრჩებით აქ და ვკეტავთ აქაურობას. ხვალ 4 საათიდან ისევ იქნება მსვლელობა, რომელიც მნიშვნელოვანი ადგილების პიკეტირებას მოახდენს", — განაცხადა მან.

როგორც გოლეთიანი ამბობს, მისამართს წინასწარ არ იტყვიან, მაგრამ მოხდება მნიშვნელოვანი ადგილის პიკეტირება.

გზების გადაკეტვა ნამახვანჰესის მშენებლობის მოწინააღმდეგეებმა გუშინ, 23 მაისს დააანონსეს. ამ გადაწყვეტილების მიღებას ისინი იმ შემთხვევაში აპირებდნენ, თუ არ დაკმაყლოფილდებოდა მოთხოვნები, რომელიც ხელისუფლებას წაუყენეს.

მოთხოვნები, რომლებიც ვარლამ გოლეთიანმა აქციაზე გააჟღერა შემდეგია:

  • დატოვოს რიონის ხეობა კომპანიამ ენკამ;
  • გაწყდეს ენკასა და სახელმწიფოს შორის დადებული ხელშეკრულება და გაუქმდეს
  • ყველა ის დოკუმენტი, რომელიც 2015 წლიდან დღემდეა გაცემული;
  • გამოცხადდეს მორატორიუმი ენერგოსექტორში;
  • გადადგეს ეკონომიკის მინისტრი და დადგეს არამხოლოდ ნათია თურნავას, არამედ
  • ჰესის დოკუმენტაციის მომზადებაში ჩართული ადამიანებიც პასუხისმგებლობის საკითხი.

მოთხოვნები არ დაკმაყოფილებულა.