The Simpsons ამერიკული კულტურის ერთ-ერთი მნიშვნელოვანი სიმბოლოა, რომელიც მისი გამოსვლიდან — 1989 წლიდან დღემდე აქტუალურობას არ კარგავს. სიმპსონების ოჯახის შესახებ შექმნილ სერიალში თანამედროვე სამყაროს აქტუალური პრობლემები ოსტატურადაა გაშარჟებული. თუ საკულტო სერიალს თვალს აქტიურად ადევნებთ, მისი რუსული რიმეიქიც დაგაინტერესებთ, რომელიც პერსონაჟებს რუსულ ყოველდღიურობასა და ნაცრისფერ სამყაროში წარმოგვიდგენს.

ანიმატორი Lazy Square, იგივე ალექსეი სემიონოვი რუსი სიმპსონების შესახებ გადაღებულ 1-წუთიან ვიდეოს გვთავაზობს, რომელშიც ბარტი ტელეფონებს იპარავს და ნარკოტიკული ნივთიერებების მომხმარებელია, ლიზას პოლიცია აპატიმრებს, ამ ყველაფერს კი ოჯახში ძალადობაც ერთვის.

Lazy Square ამერიკული პოპკულტურის მიმართ სატირული მიდგომითა და რიმეიქებით გამოირჩევა. ანიმატორი მსგავს ნამუშევრებს მაყურებელს საკუთარ იუთუბ არხზე ხშირად სთავაზობს.