ოკუპირებული აფხაზეთის პირველი დე ფაქტო პრეზიდენტის, ვლადისლავ არძინბას ძმისშვილი, ქემალ არძინბა ოკუპირებულ სოხუმში მოკლეს. ამის შესახებ ინფორმაციას apsnypress.info ავრცელებს.

გამოცემა ე.წ. შინაგან საქმეთა სამინისტროზე დაყრდნობით წერს, რომ 17:40 საათზე სროლის შესახებ შეტყობინება მიიღეს. ქემალ არძინბა რესპულიკურ საავადმყოფოში გადაიყვანეს, სადაც ის გარდაიცვალა.

მედიის ცნობით, ამ ეტაპზე საგამოძიებო სამუშაოები მიმდინარეობს. ინციდენტში მონაწილე პირების იდენტიფიცირების მიზნით კი, დე ფაქტო შინაგან საქმეთა მინისტრის ბრძანებით, ქალაქიდან გასასვლელები დაიბლოკა.