აღმოსავლეთ აზიაში მდებარე კუნძულოვანი სახელმწიფო იაპონია მსოფლიოში ფართობის სიდიდით 62-ე, მოსახლეობით მე-11, ეკონომიკის მოცულობით კი მე-3 ქვეყანაა.

მიუხედავად იმისა, რომ მეორე მსოფლიო ომმა ეს ქვეყანა მნიშვნელოვნად დააზარალა, იაპონიამ დროის ძალიან მცირე მონაკვეთში მოახერხა ფეხზე წამოდგომა და ცხოვრების დაუჯერებელი ხარისხის მიღწევა — იქ სიცოცხლის საშუალო ხანგრძლივობა მსოფლიოში ყველაზე მეტია და 85 წელს უდრის.

ეს ყველაფერი, შეიძლება, მხოლოდ მშრალი ციფრებია, თუმცა იაპონიაში ისეთ უჩვეულო და უნიკალურ რაღაცებს გადააწყდებით, რაც მას სხვა ყველა ქვეყნისგან მართლა ძალიან გამოარჩევს.

1. სკოლის მოსწავლეების დღის რუტინის ნაწილი გაკვეთილების შემდეგ საკლასო ოთახების დალაგებაა. მოსწავლეები დაახლოებით 15 წუთის განმავლობაში აწესრიგებენ მათსავე სასწავლო სივრცეს, რათა პასუხისმგებლობის გრძნობა თავიდანვე განუვითარდეთ და ზედმეტად არაფერი აურიონ, ხოლო რასაც აურევენ, წინასწარვე იციან, რომ მათვე მოუწევთ დალაგება

2. ასევე ფეხბურთის იაპონელი ფანები გამართული მატჩის შემდეგ სტადიონის მოწესრიგებაში იღებენ მონაწილეობას, რითიც 2018 წელს გამართულ მსოფლიო ჩემპიონატზე დანარჩენი მსოფლიოს გაოცება დაიმსახურეს

3. იაპონიის ქალაქ შიმაბარაში ქუჩის სანიაღვრე არხებში იმდენად სუფთა წყალი მიედინება, რომ თევზის საკმაოდ იშვიათი სახეობა კოიაა გამრავლებული. ეს სახეობა იმითაა ცნობილი, რომ მხოლოდ ძალიან სუფთა წყალში შეუძლია გადარჩენა

4. ბევრ ტუალეტში ხელების დასაბანი ნიჟარა უნიტაზთანაა დაკავშირებული: სუფთა წყლით დაბანის შემდეგ უნიტაზში გროვდება წყალი ჩასარეცხად და ასე ბუნებრივი რესურსი იზოგება

5. იაპონიაში წყლისა და კანალიზაციის გაყვანილობის ორმოები მსგავსი მშვენიერი თავსახურებითაა დაფარული

6. ზოგიერთ საჯარო საპირფარეშოს ელექტრონული რუკა აქვს იმის საჩვენებლად, თუ რომელი ტუალეტია დაკავებული და რომელი — თავისუფალი

7. ასე გამოიყურება იაპონიაში საპარკინგე ადგილები: მანქანები ყოველთვის ხაზებს შორის და ერთმანეთის პირისპირაა გაჩერებული

8. იაპონიაში გამოიგონეს ნაყინი, რომელიც არ დნება

9. ზოგიერთ იაპონურ სასტუმროში ნახავთ ლამპას, რომელიც გვერდით საწოლში მყოფის ნაკლებად შესაწუხებლად მხოლოდ ცალი მხარით ანათებს

10. მცირეხნიანი ვიზიტებისთვის იაპონიაში არსებობს ასეთი იაფიანი გამოსავალიც — კაფსულა სასტუმრო

11. სუპერმარკეტებში გადააწყდებით ოთხკუთხედ საზამთროებს, რომლებიც თავდაპირველად იმისთვის შეიქმნა, რომ უფრო მარტივად გადაეტანათ და ნაკლები ადგილი დაეკავებინა მაცივრებში. დღეს ასეთი საზამთრო, რომლებსაც ამ ფორმის მისაცემად ყუთებში ზრდიან, საკმაოდ ძვირი ღირს

12. იაპონიაში არსებობს კუნძული, სახელწოდებით ოკუნოშიმა, რომელზეც კურდღლების ურიცხვი რაოდენობაა გავრცელებული და მათზე ნადირობა აკრძალულია