20 ივნისის დაზარალებულები ამნისტიის კანონპროექტთან დაკავშირებით ევროკავშირის ელჩს, კარლ ჰარცელსა და აშშ-ს ელჩს, კელი დეგნანს მიმართავენ. როგორც ერთობლივ განცხადებაშია აღნიშნულია, რომ კანონპროექტი მოემსახურება მხოლოდ ხელისუფლების პასუხისმგებლობის ნიველირებას, რაც დაზარალებულებისთვის პრინციპულად მიუღებელია.

"მიგვაჩნია, ადამიანის ფუნდამენტური უფლებების დარღვევაზე თვალის დახუჭვა დამატებით მძიმე შედეგებს გამოიღებს და დააზარალებს საქართველოში დასავლეთის რეპუტაციას, როგორც დემოკრატიული ღირებულებების დამცველის, ასევე წაახალისებს დაუსჯელობის სინდრომს და მწვანე შუქს მისცემს მორიგ მძიმე დარღვევებს", — ვკითხულობთ განცხადებაში.

20 ივნისის დაზარალებულები მოუწოდებენ ელჩებს დაეხმარონ საქართველოს პოლიტიკური კრიზისის დაძლევაში ისე, რომ "დაზარალებულ მშვიდობიან დემონსტრანტებს შეუნარჩუნდეთ შელახული უფლებებისთვის სამართლებრივი ბრძოლისა და ჯანმრთელობის რეაბილიტაციის სახელმწიფო გარანტიების მიღების უფლება".

ხელმომწერები:

  • მაკო გომური;
  • ირაკლი ფავლენიშვილი;
  • კობა ლეთოდიანი;
  • გიორგი სულაშვილი;
  • ირაკლი ხვადაგიანი;
  • ვახტანგ ბერიკაშვილი;
  • გელა ჭიღლაძე;
  • ზაზა მღებრიშვილი;
  • გიორგი ბულისკერია;
  • ლუკა პეტრიაშვილი;
  • თამარ ბაღაშვილი;
  • დავით შეყილაძე;
  • ბესიკ თამლიანი;
  • ვატო გელაშვილი;
  • დავით ხვადაგიანი;
  • დემეტრე ნაყოფია;
  • დავით ქურდოვანიძე.