ლეიბორისტული პარტიის ლიდერი, შალვა ნათელაშვილი პარლამენტში შესულ ოპოზიციას მოუწოდებს დატოვოს პარლამენტი.

"გარკვეულმა მცირე ოპოზიციურმა ჯგუფებმა გადაწყვიტეს ფეხი შეედგათ პარლამენტში და მე მინდა აი ახლა მთელი გულით, მეგობრული გრძნობით და კოლეგიალობით მოვუწოდო პოლიტიკურ ოპოზიციურ სპექტრს, ვინც არ შევედით პარლამენტში, გავაგრძელოთ ეს პოზიცია და ფეხი არ შევდგათ იქ, ხოლო ვისაც შეეპარა ფეხი, მან დაუყოვნებლივ დატოვოს ეს ბოროტების სასახლე, დაგვიბრუნდეს, შემოგვიერთდეს და შემოდგომაზე ივანიშვილის რეჟიმის ნასახი და ნაკვალევიც აღარ იქნება პოლიტიკურ სივრცეში", — ამბობს ნათელაშვილი.

პარლამენტში პირველი ოპოზიციური ფრაქცია, ლელო — პარტნიორობა საქართველოსთვის შეიქმნა. მისი თავმჯდომარე ლელოს გენერალური მდივანი, ბადრი ჯაფარიძე იქნება. ლელოს წევრებთან ერთად, ფრაქციის წევრები იქნებიან დეპუტატები შალვა შავგულიძე, არმაზ ახვლედიანი და სალომე სამადაშვილი. სწორედ სამადაშვილი იქნება ფრაქციის თავმჯდომარის მოადგილე.