ანონიმი არტისტი Plastic Jesus, რომელიც ინსტაგრამზე თავისი კრიტიკული და ორაზროვანი ნამუშევრებით გახდა ცნობილი, ცინიზმის ახალ დონეზე ავიდა. დონალდ ტრამპისადმი მიძღვნილი ნამუშევრების შემდეგ (შეწყვიტეთ იდიოტების გაპრეზიდენტება), ხელოვანმა კანიე ვესტის ოქროს ქანდაკება გააკეთა, რომელიც იესო ქრისტეს ჯვარცმას მოგაგონებთ. Plastic Jesus-მა ქანდაკება ლოს-ანჯელესში, ქუჩაში დადგა.

ოქროს ქანდაკება ოსკარის დაჯილდოებამდე რამდენიმე დღით ადრე ჩამოისხა და ის სიმბოლურად მთავარი ჯილდოს სტილშია შესრულებული. ქანდაკებას პედესტალზე მიწერილი აქვს False Idol, რაც ქართულად ცრუ კერპს ნიშნავს. სავარაუდოდ, ამ წარწერის გაკეთების შთაგონების წყარო რეპერ J Cole-ის ალბომი გახდა, რომელმაც კანეი ვესტი თავის სიმღერებში მრავალჯერ გააკრიტიკა.

კანიე ვესტის ქანდაკება ადგილს იცვლის და ერთი დღის განმავლობაში ჰოლივუდშიც იდგა.

არტისტმა ქანდაკებაზე მუშაობის ამსახველი ფოტოებიც გამოაქვეყნა.

ამას გარდა, ანონიმმა არტისტმა ჰოლივუდში სხვა ქანდაკებებიც დადგა. ერთ-ერთი მათგანის სახელია "ჰოლივუდის საუკეთესო ღონისძიება". ოსკარის ქანდაკება მიწაზეა გართხმული და კოკაინს ყნოსავს.

La Brea and Hollywood Blvd #oscars2015 #oscars #academyawards #hollywood #streetart #streetartla

A post shared by Plastic Jesus® - Official (@plasticjesus) on

უფრო მეტი ფოტოს ნახვა Plastic Jesus-ის ინსტაგრამის არხზე შეგიძლიათ.