შინაგან საქმეთა სამინისტროს ინფორმაციით, დავით გარეჯში მთავარი არხის გადამღებ ჯგუფსა და ე.წ. კარტოგრაფების საქმეში ბრალდებულზე, ივერი მელაშვილზე თავდასხმის ფაქტზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.

შემთხვევა დღეს, 4 მაისს მოხდა. მთავარი არხის გავრცელებულ კადრებში ჩანს, რომ აგრესიული სასულიერო და სამოქალაქო პირები მელაშვილს ემუქრებიან და ჟურნალისტს ფიზიკურად უხეშად ეხებიან. კადრში ჩანს ისიც, რომ ერთ-ერთი პირი ჟურნალისტს უკნიდან ხელს კრავს, მანქანაში ჩაჯდომას აიძულებს და შეურაცხყოფას აყენებს.

ივერი მელაშვილმა On.ge-ს უთხრა, რომ ადამიანები, რომლებმაც მას სიტყვიერი შეურაცხყოფა მიაყენეს, ჩვეულებრივი მოქალაქეები არინ, "უბრალოდ შეცდომაში შეყვანილები".

გაიგეთ მეტი: