NATO-ს გენერალურ მდივანი, იენს სტოლტენბერგი ამბობს, რომ დღეს საქართველოს პრეზიდენტთან, სალომე ზურაბიშვილთან კარგი სატელეფონო ზარი ჰქონდა. ის შეთანხმების მიღწევას მიესალმება.

"კარგი სატელეფონო საუბარი მქონდა საქართველოს პრეზიდენტთან, სალომე ზურაბიშვილთან. მივესალმე საქართველოში პოლიტიკურ ძალებს შორის შეთანხმების მიღწევას, ვისაუბრეთ შავი ზღვის რეგიონის უსაფთხოებასა და რუსეთის სამხედრო გაძლიერებაზე ჩვენს საერთო წუხილზე. მე მადლობა გადავუხადე მას ავღანეთში ჩვენი მისიის მიმართ ერთგულებისთვის", — დაწერა მან.

19 აპრილს ევროპული საბჭოს პრეზიდენტის, შარლ მიშელის ახალ დოკუმენტს შვიდმა პოლიტიკურმა პარტიამ და რამდენიმე დამოუკიდებელმა დეპუტატმა მოაწერა ხელი. ხელმოწერის ცერემონია პრეზიდენტის სასახლეში გაიმართა და ონლაინ-რეჟიმში თავად მიშელიც დაესწრო.

გაიგეთ მეტი: