ოულუს უნივერსიტეტის მეცნიერებმა ელექტროენერგიის მოპოვების ახალი გზა აღმოაჩინეს.
პეროვსკიტული კრისტალი, რომელსაც სხვადასხვა ტიპის ენერგიის ელექტროენერგიად გარდაქმნა შეუძლია, KBNNO-ს სახელითაა ცნობილი.

აღნიშნული მასალა შეიცავს ელექტრო დიპოლებს და როცა მათ განლაგებაში ფიზიკური ცვლილება ხდება, იქმნება ელექტრული მუხტი.

ოულუს უნივერსიტეტის მიერ გამოქვეყნებულ პუბლიკაციაში სრულად არის განხილული კვლევის შედეგები. მეცნიერთა ჯგუფი აკვირდებოდა KBNNO-ს უნარს, გარდაექმნა სინათლე ელექტროენერგიად ოთახის ტემპერატურაზე. პარალელურად კი ტემპერატურა და წნევაც იცვლებოდა.

შედეგებიდან ჩანს, რომ პეროვსკიტს შეუძლია ნებისმიერი ცვლილება აქციოს ელექტრობად, მაგრამ მიღებული ენერგია ძალიან მცირეა. მიუხედავად ამისა, გაუმჯობესებისთვის დიდი სივრცე არსებობს.

რაში შეიძლება გამოვიყენოთ კრისტალების ენერგია?

მეცნიერები იმედოვნებენ, რომ შეძლებენ KBNNO-ს იმგვარად დამუშავებას, რომ მისი გამოყენებით შესაძლებელი იყოს სხვადასხვა მოწყობილობების დატენვა წყაროში შეერთების გარეშე. ამან შეიძლება "ჭკვიან ქალაქებამდე" და მუდმივად დატენილ სმარტფონებამდე მიგვიყვანოს. ნივთები, რომლებიც ენერგიას მოიხმარენ, საკუთარი თავის "შენახვას" შეძლებენ.

მუშაობა ამ საკითხზე გრძელდება და მომავალი წლისთვის შეიძლება "სწორი კრისტალი" ვიპოვოთ, რაც ახალი გზით მიღებული ელექტროენერგიის კომერციალიზაციამდე მიგვიყვანს.