ჯანდაცვის მინისტრის მოადგილის, თამარ გაბუნიას თქმით, სააღდგომო დღესასწაულები ეპიდემიური კუთხით გარკვეული გამოწვევა იქნება.

"აღდგომის დღესასწაულები არის ყველასთვის ბრწყინვალე დღესასწაული და ზეიმი როგორც რელიგიურ გარემოში, ასევე, სოციალურ გარემოში, რა თქმა უნდა, ძალიან კარგია, მაგრამ აქ არ უნდა დაგვავიწყდეს ის, რომ დიდი გამოწვევაა ნამდვილად ეპიდემიური კუთხით ასე, რომ ყველამ უნდა დავიცვათ ის აუცილებელი მოთხოვნები, რაც ჩვენ საშუალებას მოგვცემს მაისში თავი ავარიდოთ შემთხვევების შემდეგ ესკალაციას, ზრდას და გავაგრძელოთ ისევ ნორმალური და ჩვეული ბიზნეს და სოციალური საქმიანობა, ამდენად, დიახ, რა თქმა უნდა, გარკვეული გამოწვევა სააღდგომო დღესასწაულები იქნება და ამ კუთხით ჩვენ ყველას ვთხოვთ, რომ მაქსიმალურად ავარიდოთ თავი თუნდაც დღესასწაულებზე ხალხმრავლობას და წესების უგულვებელყოფას", — ამბობს გაბუნია.