მუსიკა, კოსტიუმები, საუბრის მომხიბვლელი მანერა, რომანტიკა — ბრიჯერტონს ბევრი საინტერესო ღირსება აქვს, რის გამოც სერიალმა და მისმა პერსონაჟებმა მაყურებლების გული დაიპყრო. ბრიჯერტონის გულშემატკივრებს შორის კიმ კარდაშიანიცაა, რომელმაც ახლახანს გაიგო, რომ პოპულარული სერიალის პერსონაჟების, კერძოდ, ფეზერინგტონების შექმნის შთაგონების წყარო კარდაშიანების ოჯახი გახდა.

ამის შესახებ ტვიტერზე ბრიჯერტონის მსახიობმა, ნიკოლა კაგლენმა დაწერა, რომელიც სერიალში პენელოპე ფეზერინგტონის როლს ასრულებს.

"როგორც ბრიჯერტონის უდიდესმა ფანმა, იცის თუ არა კიმ კარდაშიანმა, რომ ფეზერინგტონების შთაგონების წყარო კარდაშიანების ოჯახია და სამოსის მორგების დროს სულ მათზე ვსაუბრობდით? ვთვლი, რომ მან ეს უნდა იცოდეს," — წერს მსახიობი.

კიმ კარდაშიანმა აღფრთოვანება ვერ დამალა და მსახიობს ტვიტერზე უპასუხა. კიმმა აღნიშნა, რომ ეს ტვიტი ბრიჯერტონის საერთო ჩატში გამოუგზავნეს. მან სამოსის მორგებაზე დასწრების სურვილიც გამოთქვა, რაზეც მსახიობი სიხარულით დათანხდმა.

ვინ იცის, იქნებ, კიმ კარდაშიანი სერიალის მომდევნო სეზონებში ვიხილოთ?!

ამავე თემაზე: