ალბათ, ბევრჯერ გაგიგიათ, რომ ანიმაციები მხოლოდ ბავშვებისთვისაა. ეს ფრაზა რომ სიმართლეს არ შეესაბამება Pixar-ის ანიმაციების რამდენიმე სცენა მოწმობს, რომელიც იმდენად დამთრგუნველი თუ შოკისმომგვრელია, რომ ნებისმიერი ასაკის მაყურებლის დამწუხრება და აფორიაქება შეუძლია. რა თქმა უნდა, სტატია მძიმე სპოილერებითაა სავსე!

წარმოგიდგენთ 10 სცენას, რომელმაც ჩვენი გულები ნამსხვრევებად აქცია:

1. როდესაც 22 დაკარგული სული გახდა და აღმოვაჩინეთ, რომ სინამდვილეში, "ნაპერწკალი" ცხოვრების გაგრძელების სურვილია

Soul ნამდვილად გამორჩეული ანიმაციაა, რომელიც გულგრილს არავის დატოვებს. ერთ-ერთი ყველაზე სევდიანი მომენტი კი იმის აღმოჩენაა, "ნაპერწკალი", რომელსაც ჯო და 22 ეძებდნენ, სინამდვილეში ცხოვრების გაგრძელების სურვილია. ამის გამო 22 დაკარგული სული ხდება.

2. როდესაც სალის ეგონა, რომ ბო დაიღუპა

Monster's Inc-ის ციცქნა ბო ყველას იმდენად გვიყვარდა, რომ როდესაც სალის ეგონა, რომ პატარა მეგობარი დაკარგა, ცრემლები ვერ შევიკავეთ.

3. როდესაც Ratatouille-ში რემის მამამისმა მკვდარი ვირთხები ანახა

რემის მამას შვილის ადამიანებთან დაახლოება არ მოსწონს. იმის დასამტკიცებლად, რომ ვირთხებს ადამიანებთან ურთიერთობა კარგს არაფერს მოუტანს, რემი ადამიანების მიერ მოკლული ვირთხების სანახავად მიჰყავს. ამ მომენტში შიში და გაოგნება, ალბათ, ნებისმიერი ასაკის მაყურებელს დაეუფლა.

4. როდესაც მარლინმა ნემოს პოვნის იმედი დაკარგა და დორი მიატოვა

"არ ვიცი, სად ვარ. არ ვიცი, რა ხდება. მგონი, ვიღაც დავკარგე, მაგრამ ვერ ვიხსენები ვინ", — დორის ხვეწნა-მუდარა და მარტოობის, დავიწყების შიში გულგრილს ვერავის დატოვებს.

5. როდესაც მიგელმა გაიგო, რომ ერნესტმა ჰექტორი მოკლა და მისი სიმღერა მოიპარა

Coco-ს სიუჟეტის ამგვარ განვითარებას, მგონი, არავინ ველოდით და გაოცებასთან ერთად, შიშიც კი დაგვეუფლა.

6. როდესაც ვუდიმ დამახინჯებული თოჯინები აღმოაჩინა

Toy Story სათამაშოების ისტორიას გვიყვება, რაც, წესით, საშიში არ უნდა ყოფილიყო. თუმცა დამახინჯებული თოჯინების დანახვისას, შიშთან ერთად სიბრარულიც ვიგრძენით.

7. რაილის დეპრესია

Inside Out განსაკუთრებით ახლობელი და სევდიანი იმ ადამიანებისთვისაა, რომელთაც რაილის მდგომარეობის ესმით. რაილის დეპრესია იოლად სანახავი ნამდვილად არ ყოფილა.

8. როდესაც კარლმა და ელამ ბავშვის ოთახის მოწყობის შემდეგ შვილი დაკარგეს

Up-ში მსგავს სცენას, ალბათ, არავინ ელოდა. ბავშვის ოთახის მოწყობისას წყვილის სიხარულის ნახვის შემდეგ, ნაყოფის დაკარგვა მაყურებლისთვის საკმაოდ მტკივნეული აღმოჩნდა.

9. ბინგ ბონგის გაუჩინარება

Inside Out-ში რაილის წარმოსახვითი მეგობრის, ბინგ ბონგის გაქრობის სცენამ, ალბათ, ყველა აატირა. "ჩემ მაგივრად მთვარეზე წაიყვანე, კარგი?" — ბინ ბონგის უკანასკნელი სიტყვები გულგრილს ვერავის დატოვებს.

10. ფილმის დასაწყისში მარლინის ცოლისა და დაუბადებელი შვილების სიკვდილი

Finding Nemo-ს ანიმაციების ისტორიაში, ალბათ, ერთ-ერთი ყველაზე სევდიანი დასაწყისი აქვს.

ამავე თემაზე:

• 7 თეორია, რომელიც საყვარელ ანიმაციებზე წარმოდგენას სამუდამოდ შეგიცვლით;
• 10 შემთხვევა, როდესაც Pixar-მა დეტალების სიზუსტით გაგვაოცა;
• 13 მიზეზი, თუ რატომ არის Soul ერთ-ერთი საუკეთესო ანიმაცია.