ესტონეთის ყოფილი პრეზიდენტი, ტოომას ჰენდრიკ ილვესი გაკვირვებას გამოხატავს, როგორ დაგმობს სხვა ოკუპაციას, თუ თავად საქართველო უკრაინის საკითხზე "არაფერს იტყვის".

"2008 წელს, როცა რუსეთი საქართველოში შეიჭრა, მე არა მხოლოდ ამაზე განცხადება გავაკეთე, არამედ შუაგულ ომში იქ ჩავედი. ახლა ნამდვილად გაკვირვებული ვარ. როგორ ელოდებით, რომ რუსეთის ოკუპაციას სხვა საერთაშორისო თანამეგობრობა დაგმობს, როცა თქვენ თვითონ არაფერს ამბობთ, როცა ის მეზობელს ემუქრება?", — წერს ყოფილი პრეზიდენტი.

30 მარტს უკრაინის შეიარაღებული ძალების მთავარდარსალმა განაცხადა, რომ რუსეთმა საზღვართან და ოკუპირებულ ტერიტორიებზე ბატალიონების მობილიზება მოახდინა, რამაც ქვეყნის უსაფრთხოებას საფრთხეს უქმნის.

ვითარება შეაფასეს პენტაგონში და რუსეთის ქმედებები დაგმეს. როგორც პენტაგონის პრესსპიკერმა განაცხადა, აშშ ამ საკითხზე NATO-ს მოკავშირეებს ესაუბრება.

ამასთან, Reuters-ის წყაროს ინფორმაციით, რუსული ჯარის მობილიზების გამო NATO-წევრი ქვეყნების ელჩები საგანგებოდ შეიკრიბნენ.

სატელეფონო საუბარი შედგა აშშ-ს და უკრაინის თავდაცვის მინისტრებს შორის. ლოიდ ოსტინმა უკრაინელ კოლეგას, ანდრეი ტარანს დაუდასტურა მხარდაჭერა და დაგმო რუსული პროვოკაცია. გარდა ამისა, მან განაცხადა, რომ ესკალაციის შემთხვევაში აშშ უკრაინას არ მიატოვებს.