ხვალ, 5 აპრილს მოძრაობა #სირცხვილია ბათუმში აქციას გამართავს და კომენდანტის საათს კიდევ ერთხელ დაარღვევს. კომენდანტის საათის გაუქმების მოთხოვნასთან ერთად, ისინი ბათუმის ორგანიზაციაში პოლიციის შესვლას გააპროტესტებენ.

პოლიციამ მოძრაობის რამდენიმე აქტივისტი დააკავა და მათ შორის ერთი ხელწერილის საფუძველზე გაათავისუფლა. სასამართლო პროცესი 5 აპრილსაა ჩანიშნული და აქტივიტების ინტერესებს ახალგაზრდა იურისტთა ასოციაცია იცავს.

4 აპრილის ღამეს, როცა სირცხვილია კომენდანტის საათს ბათუმშიც აპროტესტებდა, ორგანიზაციის რეგიონალურ ოფისში პოლიცია შევიდა, აქტივისტები შენობიდან გამოიყვანა და ნაწილი ძალის გამოყენებით დააკავა.

ბათუმში გირჩის აქტივისტი, ირაკლი კუკანია On.ge-სთან ამბობს, რომ პოლიციელებმა მას წიხლი დაარტყეს და აქვს დაზიანებები.