Pinnatus Batfish ანუ ღამურა თევზი საუცხოო გარეგნობის მქონე ზღვის თევზია, რომელსაც ბევრ აკვარიუმში შეხვდებით.

თუ მისი ფერებით აღფრთოვანდით და შეძენა მოგინდათ, უნდა იცოდეთ, რომ ღამურა თევზის აკვარიუმის პირობებში მოვლა დიდ სირთულეებთან არის დაკავშირებული. ამ თევზის კომერციული საკვებით გამოკვება თითქმის შეუძლებელია, ის ძირითადად ბუნებრივ ცოცხალ საკვებს ჭამს. ესეც რომ არა, თითო ინდივიდს წყლის იდეალურ სიმლაშესთან ერთად, მინიმუმ 800-1000 ლიტრი მოცულობაც სჭირდება.

თუ ასე მარტივად არ ნებდებით და ღამურა თევზის შეძენა მტკიცედ გადაწყვიტეთ, გაითვალისწინეთ ისიც, რომ აკვარიუმში ამ სახეობის მხოლოდ ერთი ინდივიდი უნდა იყოლიოთ.