მსოფლიოში საუკეთესო ანიმაციური სტუდია Pixar, რომელსაც ბოლო ათწლეულებში შექმნილი უამრავი შედევრი ეკუთვნის (სათამაშოების ისტორია, ნემოს ძიებაში, მონსტრების კორპორაცია და ა.შ.), Khan Academy-ზე თხრობის ხელოვნების უფასო კურსს გთავაზობთ.

კურსის პირველი ნაწილი - ყველანი მთხრობელები ვართ 6 ვიდეოგაკვეთილისა და 4 დავალებისგან შედგება. დასაწყისისთვის პიქსარის წარმომადგენლები გვარწმუნებენ, რომ ყველას აქვს მოსაყოლი კარგი ამბავი.

"ყველა ადამიანი უნიკალურია და ყოველი ჩვენგანის აღქმა ასევე უნიკალურია. შეუძლებელია, ორმა ადამიანმა ერთი ამბავი ზუსტად ერთნაირად გადმოსცეს,"- ამბობს პიქსარის მხატვარი ვალერი ლაპოინტი.

კურსის შემდეგი ნაწილი პერსონაჟების შექმნას შეეხება და Khan Academy-ზე მალე დაიდება.

თუ სცენარისტობა ან მწერლობა არ გინდათ, Khan Academy-ზე Pixar-ის სხვა კურსები შეგიძლიათ გაიაროთ: ანიმაცია, ფერების კორექცია და ა.შ. ამ ანიმაციურ სტუდიას მრავალი მიმართულებით შეუძლია ცოდნისა და გამოცდილების გაზიარება.