დეკანოზი გიორგი მამალაძე, რომელიც მთავარმა პროკურატურამ მკვლელობის მომზადების ბრალდებით დააკავა, რუსთავიდან ე.წ. მატროსოვის ციხეში გადაიყვანეს. ინფორმაციას ტელეკომპანია იმედი ავრცელებს.

დაკავებულის ადვოკატის, გიორგი ფანცულაიას თქმით, ის გამოძიებას მას შემდეგ მისცემს ჩვენებას, რაც სასულიერო პირებისგან ამის ლოცვა-კურთხევას მიიღებს.

გიორგი ფანცულაია უკვე რამდენიმე დღეა პროკურატურისგან ითხოვს ბრალდების ნაწილზე პასუხის უფლება მიეცეს. ის მიიჩნევს, რომ პროკურატურის მთავარმა მოწმემ ფარული ჩანაწერი დედაჩემისგან იძულებით მოიპოვა.

პროკურატურის მტკიცებით, გიორგი მამალაძე აპირებდა გერმანიაში გამგზავრებას, სადაც პატრიარქი იმყოფებოდა სამკურნალოდ. უწყების განცხადებით, უცნობმა პირმა მიმართა პროკურატურას და მიუთითა, რომ მამალაძეს უნდა მოეხდინა მაღალი იერარქიის სასულიერო პირის სიცოცხლის ხელყოფა.

ჟურნალისტი ირაკლი მამალაძე აცხადებს, რომ ის პროკურატურის ერთ-ერთი მოწმეა. მას სახელმწიფო დაცვა დაენიშნა.