ჯანდაცვის მინისტრის, ეკატერინე ტიკარაძის განცხადებით, მისი სტრატეგიაა, რომ რეგიონულ დონეზე გაეცნოს ვაქცინაციის პროცესს და შემდეგ იმსჯელონ, რა პროცესებია საჭირო პროცესის უკეთ წარმართვისთვის. ამის შესახებ მან საკოორდინაციო საბჭოს წევრების ბრიფინგზე ისაუბრა.

"ჩვენი და ჩემი პირადი სტრატეგიაა, რომ რეგიონულ დონეზე ყველგან გავეცნობი რა სიტუაციაა და ვაქცინაციის პროცესის ნელა მიმდინარეობას, ასევე, ადგილზე გავეცნობი, იმსათვის, რომ შემდეგ, საბჭოს ფორმატში ვიმსჯელოთ ყველა იმ მიზეზშედეგობრივ კავშირზე ვაქცინაციის პროცესის უკეთ წარმართვისთვის.

ხვალ ჩემი ვიზიტი დაგეგმილია გურიაში და აჭარაში. ასე გაგრძელდება ყველა სხვა რეგიონის მიმართულებით და ასევე, საბჭოს სხვა წევრების მხრიდანაც იქნება მოსახლეობასთან აქტიური კომუნიკაცია", — თქვა მან.

Pfizer-ის ვაქცინის 29 250 დოზა საქართველოში 25 მარტს გამთენიისას ჩამოიტანეს. ამიერიდან მოქალაქეებს კორონავირუსის საწინააღმდეგო აცრის ჩატარება ორი, AstraZeneca-სა და Pfizer-ს შორის არჩევანის გაკეთებით შეეძლებათ.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო. ჯანდაცვის მინისტრის, ეკატერინე ტიკარაძის განცხადებით, ვაქცინაციის პროცესში 65 წელს ზევით მოქალაქეებიც 25 მარტიდან ჩაერთვებიან.

მინისტრის მოადგილე, თამარ გაბუნიამ კი არ გამორცხავს, რომ ვაქცინაციის პროცესში ჩართვის შესაძლებლობა ახალ ჯგუფს — 55 წლის ზევით ასაკის მოქალაქეებსაც მისცენ.