კულტურის მინისტრის, თეა წულუკიანის განცხადებით, ამერიკულმა პოლიტიკურმა სპექტრმა თქვა, რომ ნიკა მელია ციხეში იმიტომ ზის, რომ კანონი დაარღვია.

"ამერიკულმა პოლიტიკურმა სპექტრმა ჩვენს ოპოზიციას უთხრა ის, რაც არის ჩვენი დემოკრატიული პროცესისთვის მნიშვნლოვანი, მათ უთხრა, რომ ოპოზიცია პარლამენტში უნდა შევიდეს. მე დიდი იმედი მაქვს, რომ ქართული ოპოზიცია ამას სწორედ ასე გააკეთებს, რადგან ამერიკელებმა როგორც ჩვენს ოპოზიციას უთხრეს, მათი პარლამენტში არ შესვლა პირდაპირ ასხამს რუსულ წისქვილზე წყალს. მე მინდა ოპოზიციას შევახსენო, ზოგიერთ მათგანს, ვისაც არ ეკუთვნის, არ ეკუთვნის, რომ ჩვენ ვართ ოკუპირებულ ქვეყანაში,ა მიტომ გვევალება, რომ ვიზრუნოთ სწორედ ჩვენს ქვეყანაზე პირველ რიგში და არ ვიყოთ უნებლიეთ, რა თქმა უნდა, რუსული ინტერესების გამტარებელი, რადგან ოპოზიციის ფუნქცია არ არის ქვეყანაში არეულობის გამოწვევის მცდელობა და ამით რუსულ წისქვილზე წყლის დასხმა. ბოლოს, ამერიკულმა პოლიტიკურმა სპექტრმა თქვა, რომ ბატონი ნიკა მელია ვინაიდან დაარღვია კანონი, სწორედ ამიტომ ზის ციხეში", — განაცხადა წულუკიანმა.

ამერიკის შეერთებული შტატების სახელმწიფო მდივნის მეორე მოადგილე, ჯორჯ კენტმა სენატის საგარეო კომიტეტის სხდომაზე განაცხადა, რომ საქართველოში ოპოზიციური პარტიის ლიდერის, ნიკა მელიას დაკავება ქართული დემოკრატიისთვის უკან გადადგმული ნაბიჯი იყო.