საქართველოს ყოფილმა ელჩი ევროკავშირში, ნატა საბანაძე ტვიტერზე იმედს გამოთქვამს, რომ მმართველ პარტიასა და ოპოზიციას შორის მოლაპარაკებები გაგრძელდება. მისივე თქმით, საქართველო გახანგრძლივებულ კრიზისს ვერ გაუძლებს.

"იმედი მაქვს, მოლაპარაკებები გაგრძელდება. საქართველო ამ გახანგრძლივებულ კრიზსს ვერ გაუძლებს", — განაცხადა მან ტვიტერზე რადიო თავისუფლების ჟურნალისტის, რიკარდ იოზვიაკის ტვიტის გაზიარებისას.

რადიო თავისუფლების ბრიუსელელი კორესპონდენტის ცნობით, ევროკავშირის მინისტრებმა კრისტიან დანიელსონის მისიის გაგრძელებას საქართველოში ძირითადად მხარი დაუჭირეს. მაგრამ ის, თუ როდის ჩამოვა საქართველოში დანიელსონი, მოგვიანებით, მისი და შარლ მიშელისა შეხვედრის შემდეგ გახდება ცნობილი.

ნატალია საბანაძემ ევროკავშირთან საქართველოს მისიის ხელმძღვანელისა და ბელგიასა და ლუქსემბურუგში საქართველოს ელჩის თანამდებობა 21 მარტს დატოვა. მისი თქმით, გადადგომის მიუხედავად, საქართველოს ევროპული მომავლისთვის ყოველთვის იბრძოლებს.

გაიგეთ მეტი: