პარტია მოქალაქეების ერთ-ერთი ლიდერის, ალეკო ელისაშვილის თქმით, მიწის გარეშე სოფლის მეურნეობის არცერთი დარგი არ ვითარდება, ამიტომ, მნიშვნელოვანია ხალხს გადაეცეს მიწა. მან სოფლის მეურნეობის მინისტრს, ლევან დავითაშვილს ჰკითხა, რას აკეთებს ამისთვის.

"თქვენც ხომ ამბობთ და ყველამ ხომ ვიცით, რომ მიწა არის მთავარი რესურსი სოფლის მეურნეობის. მიწის გარეშე არცერთი დარგი არ ვითარდება. რატომ არის რომ ისევ საბჭოთა კავშირი გაქვს 30 წელია? [...]

რას აკეთებთ თქვენ იმისთვის, რომ ხალხს გადაეცეს ეს მიწა? გლეხები, რომლებიც დადიან და ჩიჩქნიან 600 და 900 კვადრატულ მეტრ მიწას, რა უნდა მოიყვანო — ალმასი უნდა დათესო, ოქრო, ვერცხლი თუ თვალ-მარგალიტი, რომ იქედან ბიზნესი აწარმოო? რატომ არ აკეთებთ იმას, რომ ხალხს გადაეცეს ეს? თავდაცვის და უსაფრთხოებისთვის საჭირო მიწების გარდა, დანარჩენი, უნდა გადაეცეს ყველა ხალხს. რატომ არ აკეთებთ ამას ასე?", — ასე მიმართა ელისაშვილმა დავითაშვილს.

დღეს, პარლამენტში, მინისტრის საათის ფარგლებში, გარემოს დაცვისა და სოფლის მეურნეობის მინისტრს, ლევან დავითაშვილს მოუსმინეს.