მე არ ვწყვეტ ვინმეს როდის ან როგორ გამოუშვებს სასამართლო — ღარიბაშვილი მელიაზე
![](http://chandler.on.ge/2021/03/01/WhatsApp_Image_2021-03-01_at_18.52.04_2_1_603d3627992c3.jpeg)
ფოტო: მთავრობის ადმინისტრაცია
ბრიუსელში ვიზიტით მყოფმა საქართველოს პრემიერმინისტრმა, ირაკლი ღარიბაშვილმა ნაციონალური მოძრაობის თავმჯდომარის, ნიკა მელიას პატიმრობაზე განაცხადა, რომ თუ პოლიტიკოსი დანაშაულს ჩაიდენს, პასუხი უნდა აგოს. საქართველო-ევროკავშირის ასოცირების საბჭოს სხდომის შესახებ გამართულ პრესკონფერენციაზე მან, ასევე, თქვა, რომ პატიმრების გათავისუფლებას ის არ წყვეტს.
"პოლიტიკოსობა არ არის იმუნიტეტი. თუ ვინმემ ჩაიდინა დანაშაული, მან სასჯელი უნდა მოიხადოს. ამიტომ, ჩემი გადასაწყვეტი არ არის როდის ან როგორ გამოუშვებს ვინმეს სასამართლო. ეს სასამართლოს გადასაწყვეტია", — განაცხადა ღარიბაშვილმა.
ოკუპირებული ცხინვალის ე.წ. სასამართლომ, ზაზა გახელაძეს 12 წლითა და 6 თვით უკანონო პატიმრობა 5 თებერვალს მიუსაჯა.
პრემიერმინისტრი ბრიუსელში 15 მარტს გაემგზავრა. ის საქართველო-ევროკავშირის ასოცირების საბჭოს მე-6 სხდომაში მონაწილეობს.
ვიზიტის ფარგლებში იმართება მაღალი დონის შეხვედრები როგორც ევროკომისიაში, ევროპულ საბჭოსა და ევროპარლამენტში, ასევე — NATO-ში.
17 მარტს შეხვედრები შედგება ევროპარლამენტსა და ნატოში. საქართველოს მთავრობის მეთაურს ნატოს შტაბბინაში ალიანსის გენერალური მდივანი იენს სტოლტენბერგი უმასპინძლებს. შეხვედრის შემდეგ, ირაკლი ღარიბაშვილის და იენს სტოლტენბერგის ერთობლივი პრესკონფერენცია გაიმართება. ასევე, დაგეგმილია ნატო-საქართველოს კომისიის სხდომა.
საქართველოს დელეგაციაში, რომელსაც პრემიერმინისტრი ხელმძღვანელობს, ვიცე-პრემიერი, საგარეო საქმეთა მინისტრი დავით ზალკალიანი, ეკონომიკისა და მდგრადი განვითარების მინისტრი ნათია თურნავა და იუსტიციის მინისტრი გოჩა ლორთქიფანიძე იმყოფებიან.
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
-
-
გადახედვა
-
-
-
გადახედვა
-
გადახედვა
-
-
გადახედვა
-
გადახედვა
კომენტარები