ყოფილი მიმტანი ყვება, რომ წლების წინ ბერა ივანიშვილი და სუს-ის წარმომადგენლები Facebook სტატუსის გამო ემუქრებოდნენ
ჟურნალისტი და ყოფილი მიმტანი, ტატო ცეცხლაძე, რომელიც ამჟამად აშშ-ში ცხოვრობს ყვება, რომ მას უსაფრთხოების სამსახურის წარმომადგენლები და პირადად ბერა ივანიშვილი მისი Facebook-ზე დაწერილი სტატუსის გამო დაემუქრნენ, ხოლო ბოლოს, ის სამსახურიდან გააშვებინეს.
"როდესაც მე დავწერე Facebook-ზე სტატუსი იმასთან დაკავშირებით, რომ ბერა ივანიშვილმა რესტორანში არ დატოვა tip (ფულადი საჩუქარი, ე.წ. ჩაი), ამის შემდეგ რესტორნის მფლობელს დაუკავშირდნენ უშიშროების სამსახურის წარმომადგენლები, რომლებმაც უთხრეს, რომ ბიზნესს შეექმნებოდა პრობლემა, თუკი მე არ წავშლიდი სასწრაფოდ Facebook-ზე სტატუსს. [...] ამის შემდეგ რესტორნის ტერიტორიაზე მოვიდა უშიშროების სამსახურის რამდენიმე უნომრო მანქანა და მთხოვეს, სასწრაფოდ წამეშალა სტატუსი. [...] რესტორნის მფლობელს დაუკავშირდა ბერა ივანიშვილი და რესტორნის მფლობელმა გადმომცა ტელეფონი. მე დაველაპარაკე ბერა ივანიშვილს. არ მინდა საჯაროდ ვთქვა ის სიტყვები, რომელიც მან მიწოდა მე იმიტომ, რომ ძალიან შეურაცხმყოფელი სიტყვები გამოიყენა ჩემთან მიმართებაში. მითხრა, რომ თუ კი მე ვეცდებოდი, რომ მილიონერის შვილთან გამეკეთებინა ფული, არაფერი არ გამომივიდოდა და უმჯობესი იყო, რომ წამეშალა სტატუსები. მიწოდა, ბუნებრივია, ნაციონალური მოძრაობის გადმონაშთი", — ყვება ცეცხლაძე.
მისივე თქმით, ამ ამბის შემდეგ 2 კვირაში მას სამსახურიც დაატოვებინეს.
"რამდენიმე დღის მანძილზე, ყოველდღიურ რეჟიმში მოდიოდნენ უშიშროების წარმომადგენლები, რომლებიც ამბობდნენ, რომ რაში სჭირდება ადამიანი მიმტანად, რომელიც საჯაროდ წერდა კონკრეტული პოლიტიკური მოღვაწეების შესახებ ეგეთ ამბავს. [...] ამ ამბიდან მაქსიმუმ 2 კვირის მანძილზე მე სამუშაოდან გამომიშვეს. დღესდღეობით ვცხოვრობ ამერიკაში", — ამბობს ის.
TV პირველმა გუშინ გაავრცელა ჩანაწერები, სადაც, სავარაუდოდ, ირაკლი ღარიბაშვილი, ბერა ივანიშვილი და ანზორ ჩუბინიძე იმ ადამიანების დასჯას გეგმავენ და განიხილავენ, ვინც ბერა ივანიშვილს აგინებს. ჩანაწერში საუბარია უკვე მომხდარ ფაქტებზეც, რომელთა მოყოლის პროცესში სავარაუდოდ, ირაკლი ღარიბაშვილი და ბერა ივანიშვილი იციანიან. სავარაუდოდ, ქართული ოცნების დამფუძნებლის შვილი კმაყოფილებას გამოხატავს იმის გამო, რომ მისი გინებისთვის ადამიანები ისჯებიან.
ამ დროისთვის უცნობია, ავთენტურია თუ არა ჩანაწერები. ქართული ოცნების რამდენიმე ლიდერმა ჯერ კიდევ გადაცემის ანონსის შემდეგ თქვა, რომ ეს არის "ფაბრიკაცია" და "შეკოწიწებული". თავდაპირველად ჩანაწერის გაკეთების თარიღად მათ 2011 წელი დაასახელეს, შემდეგ კი — 2010. ჩანაწერებს ამ დრომდე არ გამოხმაურებია შინაგან საქმეთა სამინისტრო, მიუხედავად იმისა, რომ ისმის სავარაუდო ძალადობისა და მომავალი ძალადობის გეგმების შესახებ. კომენტარები არ გაუკეთებიათ არც პრემიერმინისტრ ღარიბაშვილსა და ბერა ივანიშვილს.
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
კომენტარები