ნაციონალური მოძრაობის ერთ-ერთ ლიდერ სალომე სამადაშვილს არ მიმაჩნია მიზანშეწონილად დღეს, როდესაც საერთოდ კითხვის ნიშნის ქვეშ დგას შედგება თუ არა ევროპული საბჭოს პრეზიდენტის, მიშელის ინიცირებული მედიაციის პროცესი, საუბარი იმაზე, ვადამდელ არჩევნებამდე, როგორი გზით მივა ოპოზიცია. სამადაშვილის თქმით, საქმეს ეს არაფერში გამოადგება.

"არ მიმაჩნია მიზანშეწონილად დღეს, როდესაც საერთოდ კითხვის ნიშნის ქვეშ დგას შედგება თუ არა მიშელის ინიცირებული მედიაციის პროცესი, საუბარი იმაზე, ვადამდელ არჩევნებამდე, როგორი გზით მივალთ და რაიმე გადაწუვეტილების დაბლოკვა. საქმეს არაფერში გამოადგება. ასევე, ოპოზიციის ერთიანობის შენარჩუნება მოლაპარაკებების პროცესში, წარმატების გარანტიაა. წარმატება კი, პატიმრების გათავისუფლება და ვადამდელ არჩევნებამდე მისასვლელი გზის შეთანხმება იქნება, მათ შორის საარჩევნო რეფორმისაც", — წერს სამადაშვილი ფეისბუქზე.

სააკაშვილმა 4 მარტს განაცხადა, რომ რიგგარეშე არჩევნებთან დაკავშირებით პლებისციტის მოდელს ოპოზიცია არ უნდა დათანმხდეს.

ოპოციზიური პარტიის ლიდერები სააკაშვილის ამ განცხადებას არ ეთანხმებიან. ევროპული საქართველოს ერთ-ერთი ლიდერის, გიგი უგულავას თქმით, არ იზიარებს მიხეილ სააკაშვილის პათოსს და ამბობს, რომ პლებისციტს ბევრი პლუსი აქვს.

ელენე ხოშტარიამ კი აღნიშნა, რომ მოლაპარაკებებში გადაწყვეტილებებს მიხეილ სააკაშვილი არ იღებს.

სტრატეგია აღმაშენებლის ერთ-ერთი ლიდერის, გიორგი ვაშაძის თქმით, ევროპული საბჭოს პრეზიდენტის შარლ მიშელის მხრიდან შეხვედრაზე თხოვნა იყო, რომ გარკვეულწილად კომპრომისულები ყოფილიყვნენ, რაზეც ოპოზიციის წარმომადგენლებმა განაცხადეს, რომ კომპრომისი იქნება, თუ ისინი რიგგარეშე არჩევნების მიმართ პლებისციტზე წავლენ.