სოფია კოპოლას ახალი ფილმი, რომელშიც მთავარ როლს ნიკოლ კიდმანი ასრულებს

თარგმანში დაკარგულის, მარია ანტუანეტასა და თვითმკვლელი ქალწულების შემდეგ სოფია კოპოლა ახალ ფილმზე მუშაობს.

The Beguiled ასე ერქმევა ვესტერნს, სადაც მთავარ როლებს ნიკოლ კიდმანი, კოლინ ფარელი, კრისტენ დანსტი და ელე ფენინგი შეასრულებენ.

კოპოლა ამჯერად 1864 წლის ვირჯინიას შტატის სამოქალაქო ომითა და ამ დროს არსებული ქალთა პანსიონების მდგომარეობით დაინტერესდა.

"მიუხედავად ჟანრის და თემატიკის სირთულისა, ვეცადე ჩემი სტილი შემენარჩუნებინა, ამიტომ ფილმში ლამაზი, კეთილი და მეოცნებე მსოფლიო, ისეთი როგორიც მე მომწონს აუცილებლად იქნება", - ამბობს სოფია კოპოლა.

ფილმი ტომას კულინანის 1966 წელს დაწერილს რომანს ეფუძნება.ნიკოლ კიდმანი ფილმში მის მარტა ფერნსვორტის როლს შეასრულებს, რომელიც პანსიონის დირექტორი იქნება, კრისტენ დანსტი მასწავლებელ ედუინას განასახიერებს, ელე ფენინგი კი მათი თინეიჯერი მოსწავლე ელისი იქნება.

სკოლაში ერთი შეხედვით ყველაფერი რიგზეა, მანამ სანამ სამოქალაქო ომი არ დაიწყება და პანსიონში ჯარისკაცების არმია არ გამოჩნდება, მათ შორის არის კოლინ ფარელის პერსონაჟიც.

რომანის მიხედვით უკვე არსებობს ერთი ფილმი, რომელიც 1971 წელს გადაიღეს და მასში მთავარ როლს კლინტ ისტვუდი თამაშობს, თუმცა როგორც კოპოლა ამბობს მაშინ მთელი აქცენტი კაც პერსონაჟზე იყო გაკეთებული, ამ შემთხვევაში კი მთავარი ქალები იქნებიან.