სან-ფრანცისკოს მაცხოვრებლები უჩვეულო სანახაობის მომსწრენი გახდნენ: მანქანებსა და ქვეითებს ქალაქის ქუჩებში თანამგზავრად 139 წლის ვიქტორიანული ეპოქის სახლი მოევლინათ.

21 თებერვალს სახლი სატვირთო მანქანის დახმარებით ფრანკლინის ქუჩიდან ფულტონის ქუჩაზე გადაიტანეს. აღნიშნულ პროცესს, რომელიც საზეიმო სვლას უფრო ჰგავდა, უამრავი ადამიანი ადევნებდა თვალს. მათ აღფრთოვანება სოციალურ ქსელებშიც გამოხატეს:

სახლი სან-ფრანცისკოს მაცხოვრებელ ტიმ ბრაუნს ეკუთვნის. ბრაუნმა შენობა 2013 წელს რესტავრაციის მიზნით შეიძინა. სახლი 1880 წელს აშენდა, თუმცა მისი ინტერიერის უდიდესი ნაწილი შეცვლილია. იგი 17 საცხოვრებლიან შენობად გადაიქცევა. სახლის ძველ მისამართზე კი სააპარტამენტო კომპლექსი აშენდება. სახლის გადატანის ინიციატორმა აღნიშნა, რომ მსგავსი შენობების განადგურების ნაცვლად, მათი შენარჩუნებაა მნიშვნელოვანი.

მართალია, შენობის გადასატანად ანიმაცია Up-ის მსგავსად ბუშტები არ გამოუყენებიათ, თუმცა, შეგვიძლია თამამად ვთქვათ, რომ ქუჩებში ამაყად მოსეირნე სახლს ყოველდღე ნამდვილად ვერ გადააწყდებით.