ლიეტუვის სეიმის საგარეო ურთირეთობათა კომიტეტის თავმჯდომარის, ჟიგიმანტას პავილიონისის განცხადებით, საქართველოს აქვს 2 გზა — წავიდეს ან ბელარუსის, ან ლიეტუვის გზით, ლიეტუვის გზა კი ნატოსა და ევროკავშირში გაწევრიანების შანსებს ზრდის. თუმცა, მისი თქმით, ამას სჭირდება დაპირისპირებული ფლანგების ერთობლივი მუშაობა და პოლიტიკური რეპრესიების შეწყვეტა.

მისივე თქმით, როდესაც ისინი ნატოში წევრიანდებოდნენ, ლიეტუვაში მარჯვენა და მარცხენა ფლანგი ერთად მუშაობდა და არავინ დაუპატიმრებიათ. მანვე აღნიშნა, რომ ნატოსა და ევროკავშირში მხოლოდ საუკეთესოები წევრიანდებიან.

"თქვენი არჩევანია, გინდათ, რომ იყოთ საუკეთესოები და ლიდერები, თუ გინდათ, იყოთ სხვადასხვა დარტყმების მსხვერპლები საშინაო და საგარეო ფლანგზე.

თქვენ დარჩებით სხვა ძალების წინაშე, რომელიც თქვენ ნაწილებად დაგშლიან. ერთხელ უკვე გადაიტანეთ ომით. მართლა გინდათ შენარჩუნდეს სტატუს კვო, რომელიც არაფერთან მოგცემთ? იმიტომ, რომ ჩვენი გამოცდილებით, ან უერთდები ევროკავშირს და ნატოს, ან კვდები. სხვა ალტერნატივა არ გაქვთ და რადგან არ გაქვთ სხვა ალტერნატივა, გთხოვთ, ილაპარაკეთ ერთმანეთთან და შეწყვიტეთ პოლიტიკური რეპრესიები", — განუცხადა მან ჟურნალისტებს.

ლიეტუვის სეიმის საგარეო კომიტეტის თავმჯდომარე, ნაციონალური მოძრაობის თავმჯდომარეს, ნიკა მელიას შეხვდა და დიალოგის აუცილებლობაზე ისაუბრა. მისი თქმით, მზად არიან, ჩაერთონ მედიაციაში, მაგრამ დიალოგში ქართულ ოცნებას სჭირდება პარტნიორი, რომელიც არ შეიძლება იყოს დაჭერილი.

"მე შევხვდი ნიკა მელიას და შევხვდები ყველა პოლიტიკურ ლიდერს, მათ შორის მთავრობის წარმომადგენლებს. და ვეტყვი ერთ რამეს. ჩვენ, ლიეტუველები საქართველოს კარგი მეგობრები ვართ, ჩვენ არასდროს მივატოვებთ საქართველოს, მიტ უმეტეს ყველაზე მძიმე საათები. მზად ვართ შევთავაზოთ ჩვენი მედიაციის ძალისხმევა, მაგრამ დიალოგისთვის შენ გჭირდება პარტნიორი. პარტნიორი არ შეიძლება იყოს დაჭერილი", — განაცხადა მან და აღნიშნა, რომ საქართველოს აქვს 2 გზა წავიდეს ლიეტუვის ან ბელარუსის გზის.

17 თებერვალს თბილისის საქალაქო სასამართლომ დააკმაყოფილა პროკურატურის მოთხოვნა და ნაციონალური მოძრაობის თავმჯდომარეს, ნიკა მელიას აღკვეთის ღონისძიების სახით პატიმრობა შეუფარდა. საქმეს მოსამართლე ნინო ჩახნაშვილი განიხილავდა. აღსანიშნავია, აღკვეთის ღონისძიების შეფარდება არ ნიშნავს საბოლოო გადაწყვეტილებას — განხილვები ამის შემდეგაც უნდა გაგრძელდეს და სასამართლოს მაქსიმუმ 9-თვიანი ვადა აქვს, რომ საბოლოო ვერდიქტი გამოიტანოს.

მთელი ღამის განმავლობაში ნაციონალური მოძრაობის ოფისში ოპოზიციური პარტიების ლიდერები იმყოფებოდნენ. ისინი აცხადებენ, რომ ხელისუფლებას მელიას დაკავების საშუალებას არ მისცემენ. 18 თებერვალს, დილით პოლიცია ენმ-ის ოფისთან მივიდა, თუმცა აქტივისტებმა შენობაში არ შეუშვეს. ამის შემდეგ შსს-მ გავრცელა განცხადება და პოლიტიკოსებსა და მხარდამჭერებს მოუწოდა, პოლიციას ხელი არ შეუშალონ სასამართლოს გადაწყვეტილების აღსრულებაში.

ნიკა მელიასთვის პატიმრობის შეფარდებიდან რამდენიმე საათში, საქართველოს პრემიერმინისტრი, გიორგი გახარია გადადგა. მან გადადგომის მიზეზად სწორედ ამ საქმესთან დაკავშირებით გუნდში არსებული აზრთა სხვადასხვაობა დაასახელა.

პრემიერის გადადგომის შემდეგ შინაგან საქმეთა სამინისტრომ აღსრულების ღონისძიება გადადო.