გარემოს ეროვნული სააგენტოს ინფორმაციით, კვირის ბოლომდე დასავლეთ საქართველოს უმეტეს და აღმოსავლეთის ცალკეულ რაიონებში ნალექი თოვლის სახით შენარჩუნდება.

სინოპტიკოსების პროგნოზით, გაძლიერდება დასავლეთის მიმართულების ქარიც.

"ჰაერის მაქსიმალური ტემპერატურა, კვირის ჩათვლით, დასავლეთ საქართველოს დაბლობ რაიონებში დღისით 0-დან +70-მდე იქნება. ღამის საათებში ტემპერატურა -3-დან -70-მდე დაიწევს. მთიან და მაღალმთიან რაიონებში გაძლიერდება ყინვები", — ამბობს On.ge-სთან გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

რაც შეეხება აღმოსავლეთ საქართველოს, ცალკეულ რაიონებში მოთოვს. ჰაერის ტემპერატურა კვირის ჩათვლით, დღის განმავლობაში 0-დან +40-მდე იქნება. ღამით ყინვის გაძლიერებაა მოსალოდნელი. 18-დან 21 თებერვლამდე ბარში -3 და -80-ია ნავარაუდევი.

მთიან და მაღალმთიან რაიონებში ყინვა აღმოსავლეთ საქართველოშიც გაძლიერდება.