ვგმობთ ე.წ. სასამართლოს მიერ გახელაძისთვის განაჩენის გამოტანას — ლატვია
![](http://ross.on.ge/2020/09/09/1599637044.jpg)
ფოტო: Facebook/ზაზა გახელაძე
ლატვიის საგარეო საქმეთა სამინისტრო მკაცრად გმობს საქართველოს მოქალაქის, ზაზა გახელაძისთვის დე ფაქტო სამხრეთ ოსეთის რესპუბლიკის მიერ გამოტანილ განაჩენს და მის დაუყოვნებლივ გათავისუფლებას მოითხოვს.
"ლატვია მკაცრად გმობს ე.წ სამხრეთ ოსეთის ე.წ უზენაესი სასამართლოს გადაწყვეტილებას, რომლის მიხედვითაც საქართველოს მოქალაქეს, ზაზა გახელაძეს 12 წლითა და 6 თვით პატიმრობა მიესაჯა და მის დაუყოვნებლივ გათავისუფლებას ითხოვს. ლატვია კვლავ იმეორებს საკუთარ პოზიციას და მხარს უჭერს საქართველოს ტერიტორიულ მთლიანობას მის საერთაშორისოდ აღიარებულ საზღვრებში", — ნათქვამია ლატვიის საგარეო საქმეთა სამინისტროს განცხადებაში.
ოკუპირებული ცხინვალის ე.წ. სასამართლომ, ზაზა გახელაძეს 12 წლითა და 6 თვით უკანონო პატიმრობა, 5 თებერვალს მიუსაჯა.
საოკუპაციო ძალების მიერ გასული წლის ზაფხულში დაკავებულ ზაზა გახელაძეს დე ფაქტო ხელისუფლებამ ბრალი წაუყენა რუსეთის სისხლის სამართლის კოდექსის ორი მუხლით — "სიცოცხლის ხელყოფის მცდელობა" და "სახელმწიფო საზღვრის უკანონოდ გადაკვეთა".
გახელაძე კასპში 11 ივლისს გაიტაცეს, მანამდე კი ცეცხლსასროლი იარაღით დაჭრეს. რუსული მხარის მტკიცებით, ზაზა გახელაძემ ცეცხლი პირველმა გახსნა. მათივე თქმით, გახელაძემ ჩვენებაში აღიარა, რომ საოკუპაციო საზღვარი მიზანმიმართულად გადაკვეთა. თუმცა, რადიო თავისუფლების ინფორმაციით, სასამართლო პროცესზე ერთ-ერთმა მოწმემ თქვა, რომ ზაზა გახელაძეს დამიზნებით არ უსვრია.
გაიგეთ მეტი:
- მკაცრად ვგმობთ საოკუპაციო რეჟიმის გადაწყვეტილებას, გაგრძელდეს ზაზა გახელაძის უკანონო დაკავება — ესტონეთის საგარეო საქმეთა სამინისტრო
- ევროკავშირი უკანონო პატიმრობაში მყოფ ზაზა გახელაძის დაუყოვნებლივ გათავისუფლებას მოითხოვს
- ზაზა გახელაძეს ნათესავებმა აღაიანთან გზა გადაკეტეს
- აშშ-ს საელჩო თბილისში: ვგმობთ გახელაძისთვის თავისუფლების აღკვეთის შეფარდებას
- საგარეო საქმეთა სამინისტროსთან გახელაძის სასჯელი გააპროტესტეს
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები