პარლამენტის თავმჯდომარე, არჩილ თალაკვაძე ურჩევს გირჩის ერთ-ერთ ლიდერს, იაგო ხვიჩას, რომ "ჯერ ის დადოს", რაც მას აქვს დასადები და მერე ილაპარაკოს.

"ჩემი პასუხი ხვიჩიას არის ის, რომ ბუნებრივი ბარიერით არჩევნები უკვე ჩატარდა და ვინ რა უნდა დადოს ეს უკვე არჩევნების შედეგებში არის ასახული. შესაბამისად, რაც ოპოზიციას აქვს დასადები, მათივე ტერმინებით რომ ვთქვათ, სჯობს ჯერ ის დადოს და პარლამენტში აიღონს პასუხისმგებლობა ოპოზიციურმა პარტიებმა იმაზე, რაშიც მხარდაჭერა სთხოვეს საზოგადოებას", — განაცხადა მან რუსთავი 2-ის ეთერში.

გუშინ, 9 თებერვალს იაგო ხვიჩამ განაცხადა, რომ წინადადება ნულოვანი ბარიერის განხილვის თაობაზე არის პირველი ნაბიჯი, თუმცა ის წინადადება, რისთვისაც გირჩი პარლამენტში შევა, "ჯერჯერობით, მაგიდაზე არ დევს".

"იმ შემთხვევაში, თუ სრულად პროპორციული, უბარიერო სისტემა დაიდება, რაც ითქვა, გირჩი შევა პარლამენტში და დარწმუნებულია, რომ სხვა პოლიტიკური ძალებიც შევლენ პარლამენტში, უბრალოდ დღევანდელი განცხადება მამუკა მდინარაძის არის ერთგვარი საუბრის დაწყება ამ თემაზე და არა თვითონ ის პირობა, რის გამოც გირჩი უნდა შევიდეს პარლამენტში", — განაცხადა მან.