რუსეთის საგარეო საქმეთა სამინისტრო, 19 მაისს, დე-ფაქტო აფხაზეთის საზღვართან მომხდარ შემთხვევას ეხმიანება და აცხადებს, რომ რუსეთს არანაირი კავშირი არ აქვს ამ ინციდენტთან:

"როგორც ყოველთვის, საქართველოს საგარეო საქმეთა სამინისტრომ, ეს შემთხვევა ახალი პროპაგანდისთვის გამოიყენა, "რუსული ოკუპაციის" თემაზე. ამავე დროს, თბილისმა იცის, რომ რუსეთის წარმომადგენლებს არ ჰქონიათ ამ სამწუხარო ინციდენტთან კავშირი."

რუსეთის საგარეო საქმეთა სამინისტრო განცხადებაში ქართულ მხარეს ურჩევს, ადამიანის ტრაგიკული სიკვდილით პოლიტიკური სპეკულაციების მოხდენას, სჯობს შესაბამისად უპასუხონ ქალაქ გალში მომხდარ ინციდენტს.

"აფხაზური მხარის კეთილი ნების წყალობით, ჩვენ შესაბამის შეთანხმებას მარტში მივაღწიეთ, ჟენევის მოლაპარაკებების დროს. მსგავსმა ანტი-რუსულმა შემოტევებმა კი ეს მნიშვნელოვანი პროცესი არ უნდა ჩაშალოს".

19 მაისს, ზუგდიდის რაიონის სოფელ ხურჩაში, საოკუპაციო ხაზის მიმდებარედ, ოთხმა შეიარაღებულმა პირმა ცეცხლსასროლი იარაღით გალის რაიონის სოფელ ბარღების მკვიდრ გიგა ოთხოზორიას ჭრილობა მიაყენა, რის შედეგადაც ის გარდაიცვალა.