ქართული ოცნების დეპუტატი შოთა ხაბარელი მიიჩნევს, რომ თეა წულუკიანი მინისტრის რანგში სპორტში არსებულ პრობლემებს მინიმუმამდე დაიყვანს. ამის შესახებ მან ჟურნალისტებს პარლამენტში განუცხადა.

"თეა წულუკიანმა ყველგან, სადაც იყო, ძალიან კარგი მენეჯერული თვისებები გამოავლინა და მე ვფიქრობ, რომ თეა წულუკიანისნაირი მინისტრი იმ პრობლემებს, რომელიც არსებობს დღეს სპორტში, მინიუმადე დაიყვანს. ის მენეჯერია ძალიან კარგი, სფეროსაც იცნობს, დამერწმუნეთ", — განაცხადა ხაბარელმა.

ქართული ოცნების ხელისუფლებაში მოსვლის შემდეგ თეა წულუკიანი რვა წლის განმავლობაში იუსტიციის მინისტრის პოსტი ეკავა. თანამდებობა მან 2020 წლის შემოდგომაზე დატოვა, როცა საარჩევნო კამპანიაში ჩაერთო. ამის შემდეგ ის პარლამენტში განათლებისა და კულტურის კომიტეტის თავმჯდომარედ დაინიშნა.

როგორც დაგეგმილია, განათლების, მეცნიერებისა, კულტურისა და სპორტის სამინისტრო გაიყოფა და კულტურის სამინისტრო შეიქმნება, რომელშიც სპორტისა და ახალგაზრდობის საკითხებიც გაერთიანდება.

ბოლო რამდენიმე დღეა მედიაში ვრცელდება ინფორმაცია, რომ სწორედ თეა წულუკიანი უხელმძღვანელებს ახალ სამინისტროს. თუმცა არც თვითონ წულუკიანი და არც მთავრობა აღნიშნულ ინფორმაციას ჯერჯერობით არ ადასტურებენ.

ამავე თემაზე: