ტიმოთი შალამეს ასეთი "ბასრი" შესრულება აქამდე ნანახი არ გექნებათ.

სანამ მაყურებლები მოუთმენლად ელიან ფილმ დიუნის გამოსვლას, რომელშიც ტიმოთი შალამე მთავარ როლს ასრულებს, მანამდე ამ ახალგაზრდა მსახიობმა სულ სხვა როლი მოირგო და მაყურებლის გული კიდევ ერთხელ მოიგო.

მართალია, ეს წუთნახევრიანი ვიდეო Super Bowl-ზე გაშვებული რეკლამაა, თუმცა კინომოყვარულებისთვის ძალიან ცნობილი ფილმის ერთგვარი გაგრძელებაც აღმოჩნდება:

დიახ, საუბარია მაკრატელხელება ედვარდზე (Edgar Scissorhands), 1990 წელს ტიმ ბარტონის მიერ გადაღებულ ფილმზე, რომელშიც მთავარ როლებს ჯონი დეპი და ვაინონა რაიდერი ასრულებენ.

ეს უკანასკნელი ამ ვიდეოშიც ჩნდება და როგორც ვიგებთ, თავის ვაჟს, მაკრატელხელება "ედგარს" ყოველდღიურ პრობლემებთან გამკლავებაში ეხმარება: ტიმოთი შალამე ჯონი დეპისა და ვაინონა რაიდერის გმირების, ედვარდისა და კიმის შთამომავლის როლში გვევლინება.

ეს კომერციული ვიდეორგოლი მანქანის ბრენდის კადილაკისთვის (Cadillac) შეიქმნა და რთული სათქმელია, რამდენ ადამიანს მოუნდა ამის შემდეგ ამ ავტომობილის შეძენა, თუმცა დანამდვილებით შეგვიძლია ვთქვათ, რომ გაცილებით მეტმა მაყურებელმა ისიამოვნა ტიმ ბარტონის სამყაროს ხელახალი გაცოცხლების მცდელობით და საყვარელი პერსონაჟების გამოჩენით.

ფოტო: Tenor