რუსეთის ფედერაციის საბჭოს დელეგაცია ხვალ, 5 თებერვალს ოკუპირებულ ცხინვალში ჩავა. დე ფაქტო პარლამენტის პრესსამსახურის ცნობით, რუსი და ე.წ. სამხრეთ ოსეთის პარლამენტის დეპუტატების შეხვედრაზე საუბარი "ორმხრივ" თანამშრომლობაზე იქნება.

მათივე ინფორმაციით, 5 წევრისგან შემდგარ დელეგაციას კონსტანტინ კოსაჩევი უხელმძღვანელებს, რომელიც რუსეთის ფედერაციის საერთაშორისო საქმეებს კურირებს.

ოკუპირებული ცხინვალის პარლამენტსა და რუსეთის ფედერაციის საბჭოს შორის საპარლამენტო თანამშრომლობის შესახებ შეთანხმება 2008 წლის სექტემბერში, აგვისტოს ომის შემდეგ, გაფორმდა.

ე.წ. სამხრეთ ოსეთის დე ფაქტო პრეზიდენტ ანატოლი ბიბილოვსა და რუსეთის ფედერაციის პრეზიდენტ ვლადიმერ პუტინს შორის შეხვედრა ბოლოს მოსკოვში, სექტემბერში შედგა. ბიბილობის პრესსამსახურში მაშინ აცხადებდნენ, რომ მას რამდენიმე "მინისტრის მოვალეობის შემსრულებელი" ახლდა თან და შეხვედრები სამხეთ ოსეთში სოციალურ-ეკონომიკური თანამშრომლობის მიმართულებით მომუშავე რუს ჩინოსნებთან ჰქონდა.