გარემოს დაცვის სამინისტროს ცნობით, ბორჯომ-ხარაგაულის ეროვნულ პარკში შველზე უკანონო ნადირობა მოხდა.

სამინისტროს ცნობით, რეინჯერებმა სროლის ხმა გაიგეს და დაჭრილ შველს მიაკვლიეს, თუმცა ბრაკონიერები ადგილიდან მიიმალნენ:

"თოვლზე კვალის მიხედვით, შველი სავარაუდოდ ორმა პიროვნებამ ცეცხლსასროლი იარაღით დაჭრა. ბრაკონიერებმა ადგილიდან მიმალვა მოახერხეს. აღნიშნული პიროვნებების ვინაობა ამ დრომდე უცნობია."

ფოტო: გარემოს დაცვის სამინისტრო

სამინისტროს ცნობით, რეინჯერებმა შველი ბორჯომ-ხარაგაულის ეროვნული პარკის ადმინისტრაციაში გადმოიყვანეს. ცხოველს სამედიცინო დახმარება ვეტერინარმა აღმოუჩინა.