ბრიტანელი კაპიტანი, ვეტერანი და რაინდად წოდებული ტომ მური 100 წლის ასაკში კორონავირუსით გარდაიცვალა. როგორც ოჯახის წევრები ამბობენ, მას გამწვავებული პნევმონია ჰქონდა და დაუხმარებლად სუნთქვას ვეღარ ახერხებდა. მური საავადმყოფოში კვირას გადაიყვანეს.

ბრიტანული არმიის ვეტერანმა მსოფლიოს გული მოიგო, როცა თავის ეზოში 100 წრე დამოუკიდებლად გაიარა. ტომმა ამ გამოწვევაში მხოლოდ საკუთარი თავი გამოიწვია: თუ ამ დავალებას წარმატებით გაართმევდა თავს და დაამტკიცებდა, რომ თავს კვლავ მხნედ გრძნობს, მაშინ სურვილის შემთხვევაში სხვებს საქველმოქმედო ფონდში თანხა უნდა გადაერიცხათ.

ტომის მიზანი თავდაპირველად 100 გირვანქა სტერლინგის შეგროვება იყო, თუმცა საბოლოო თანხამ ათეულობით მილიონი შეადგინა. მან ჯამში 33 მილიონი გირვანქა სტერლინგი შეაგროვა, რაც 45 მილიონ ამერიკულ დოლარს აღემატება.

ჯანდაცვის სისტემის თანამშრომლებმა და ბრიტანელმა ვარსკვლავმა, მაიკლ ბოლმა მასთან ერთად ცნობილი სიმღერის, You Will Never Walk Alone-ის (შენ არასდროს ივლი მარტო) ქავერი ჩაწერეს, რომელმაც აპრილში დიდი ბრიტანეთის სინგლების ჩარტში პირველი ადგილი დაიკავა.