სპეციალური პენიტენციური სამსახურის ინფორმაციით, კორონავირუსზე ინტენსიური ტესტირების პირველ ეტაპზე ციხეებში სულ 11 944 PCR ტესტი ჩატარდა. დადასტურდა 194 შემთხვევა, რომელთაგან 26 პატიმარი უკვე გამოჯანმრთელდა.

უწყების ინფორმაციით, ორი კვირის შუალედით განმეორებითი ტესტირება ჩატარდა 9 პენიტენციურ დაწესებულებაში, ხოლო №5 ქალთა დაწესებულებაში პატიმრებს ტესტირება სამჯერ ჩაუტარდათ.

აღსანიშნავია, რომ პენიტენციურ დაწესებულებებში ხანმოკლე პაემნის უფლება, რომელიც კორონავირუსის პრევენციის მიზნით გასული წლის 28 ნოემბრიდან შეჩერებული იყო, გუშინ, 1-ელ თებერვალს აღდგა.