იუსტიციის ყოფილმა მინისტრმა დაქართული ოცნების დეპუტატმა, თეა წულუკიანმა ოპოზიცია შეურაცხმყოფლად მოიხსენია და მათ "ცვედანი" უწოდა. ეს სიტყვა გამოიყენება იმპოტენტის სინონიმად. ამავე სხდომაზე წულუკიანმა ოპოზიციის მიმართ სხვა შეურაცხმყოფელი მიმართვებიც გამოიყენა.

"კარი ღიაა, მობრძანდით დაბრძანდით, თუ ამის, ბოდიში გამოთქმისთვის და შესაძლებლობები გაქვთ, მაგრამ ეს შესაძლებლობები მათ არ აქვთ. როცა ცვედანი ხარ, ვერ გექნება პოლიტიკური შესაძლებლობები. მობრძანდი და დაბრძანდი და თუ არ მობრძანდები, მაშინ ჩვენ ყოველთვის გვექნება ეს ღილაკები წინ და შევძლებთ მომავალში, რომ ხელი დავაჭიროთ შეწყვეტის გადაწყვეტილებას", — განაცხადა მან.

ამავე სხდომაზე წულუკიანმა ირონიულად მიმართა პარტია მოქალაქეების ლიდერს, ალეკო ელისაშვილსაც. მან უნებართვოდ გაავრცელა მთავარი არხის დამფუძნებლის, ნიკა გვარამიას მობილურის ნომერი და თავდაპირველად თქვა, რომ ეს მისი ნომერი იყო. შემდეგ კი ელისაშვილს უთხრა, რომ ნომერი გვარამიას ეკუთვნოდა და მისთვის უნდა დაერეკა და ეკითხა, რაზე ილაპარაკებდა პარლამენტში.

გაიგეთ მეტი:

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში — რა ხდება პარლამენტში.