საკოორდინაციო საბჭოს გადაწყვეტილებით ე.წ. კომენდანტის საათი პირველ მარტამდე ძალაში რჩება.

"პირველ მარტამდე ძალაში დარჩება გადაადგილების შეზღუდვა 21:00 საათიდან დილის 05:00 საათამდე", — ამის შესახებ მაია ცქიტიშვილმა განაცხადა.

ცქიტიშვილის თქმით, ეპიდემიოლოგიურ მდგომარეობას მუდმივად შეაფასებენ და თუ იქნება გაუმჯობესება, შეზღუდვები ისევ შემსუბუქდება.

"კერძოდ, თუ, როგორც აჭარაში, შვიდი დღის ვირუსის დადებითობის მაჩვენებელი არ იქნება 4%-ზე მეტი, გვექნება საშუალება გავაგრძელოთ შემსუბუქების წერტილოვანი სტრატეგია. [...]

სხვა ქალაქებში, რადგან გვქონდა უკეთესი ვითარება, ვიდრე გვაქვს თბილისში, ქუთაისში ან რუსთავში, შესაბამისად, ჩვენ შევძელით, რომ პირველი თებერვლიდან გავხსნათ სკოლები, მუნიციპალური ტრანსპორტი და სავაჭრო ობიექტებიც", — განაცხადა მან.

საკოორდინაციო საბჭომ ე.წ. წერტილოვანი შეზღუდვების ნაწილის მოხსნა გადაწყვიტა. შეზღუდვების სხვადასხვა ქალაქში სხვადასხვა დროს და განსხვავებული პირობებით იხსნება.

გაიგეთ მეტი: