უკვე ვიცით იმ მსახიობების შესახებ, რომლებიც ნომინირებული იყვნენ ოსკარზე, თუმცა ამერიკის კინოაკადემიამ ღირსების პრიზად წოდებული ოქროს კაცის ღირსად არ ჩათვალა. ამ სტატიაში კი აღმოაჩენთ, რომ თქვენთვის კარგად ნაცნობი მაღალი რანგის მსახიობები ოსკარზე წარდგენილნიც კი არ ყოფილან მთელი კინოკარიერის განმავლობაში.

ჯიმ კერი

ფოტო: John Salangsang/BFA/REX/Shutterstock

ოსკარზე კომიკოსებს მაინცდამაინც არ წყალობენ, მაგრამ ჯიმ ქერის არაჩვეულებრივი დრამატული როლებიც აქვს. ოსკარზე არ შეიმჩნიეს მის მიერ განსახიერებული გმირები ფილმებში: ტრუმანის შოუ და ბრწყინვალე გონების მარადიული ნათება.

ემილი ბლანტი

ფოტო: Benoit Tessier/Reuters

ემილი ბლანტი ამერიკელების ერთ-ერთ საყვარელ მსახიობად ითვლება. გახმაურებულმა როლმა ფილმში The Girl on the Train ემილის BAFTA-ს ნომინაცია მოუტანა, მაგრამ კინოაკადემიას, როგორც ჩანს, სხვა სტანდარტები აქვს.

ჰიუ გრანტი

ფოტო: REX/Shutterstock

ყველა ელოდა, რომ ოქროს გლობუსის მფლობელი ჰიუ გრანტი წელს ოსკარზე წარდგენილი იქნებოდა ფილმისთვის ფლორენს ფოსტერ ჯენკინსი, თუმცა კინოაკადემიამ ის კვლავ ხელცარიელი დატოვა.

სკარლეტ იოჰანსონი

ფოტო: Image: REX/Shutterstock

დიახ, ქალს, რომლის ფილმებიც წელს ყველაზე შემოსავლიანი იყო, ოსკარის არც ერთი ნომინაცია არ აქვს.

ალან რიკმანი

ფოტო: International Business Times

ამერიკის კინოაკადემიისგან დაუფასებლად წავიდა ამ ქვეყნიდან ალან რიკმანი. ის შარშან 69 წლის ასაკში გარდაიცვალა.

მეგ რაიანი

ფოტო: Image: REX/Shutterstock

არც ერთი ნომინაცია არ აქვს რომანტიკული კომედიების დედოფალ მეგ რაიანსაც. მსახიობი უკვე წლებია ეკრანზე არ გამოჩენილა. ალბათ, ხელი ჩაიქნია.

რიჩარდ გირი

ფოტო: REX/Shutterstock

სამაგიეროდ, რიჩარდ გირს ერთგული მეგობარი, ჰაჩიკო ჰყავს.

მერილინ მონრო

ფოტო: REX/Shutterstock

ამერიკის კინოაკადემიისთვის მერილინ მონრო მხოლოდ ლეგენდარული ლამაზმანია. ის არც ერთ ნომინაციაზე არ ყოფილა წარდგენილი.